സൗഹൃദപ്പൂമരം
സഖേ ....
നറുമന്ദാരം പോൽ നന്മയാൽ പൂത്തുലഞ്ഞീടുമീ അമൂല്യമാം സ്നേഹസൗഹൃദം..!
സ്വപ്നസൗഖ്യം ഹൃദയസാന്ദ്രം..!
കാലം കാക്കുമീ സ്നേഹസഞ്ചാരം
കതിരു പോൽ കനമാർന്നിടട്ടെ..!
കൃഷ്ണാർജ്ജുനന്മാരായി വിളങ്ങട്ടെ മിത്രങ്ങൾ എക്കാലവും..!
സൗഹൃദത്തിൽ വയലിൽ നന്മക്കതിരു കൊയ്ത് കാലം ചിരിക്കട്ടെ..!
തംബുരു മീട്ടട്ടെ.., സ്നേഹവീണകൾ
പാടട്ടെ, നന്മയുടെ സൗഹൃദഗാഥകൾ..! കൃഷ്ണകുചേലന്മാരായി
സമകാലകഥകൾ പങ്കുവെക്കട്ടെ..!
ശ്രേഷ്ഠമാം സൗഹൃദം
എഴുതിടട്ടെ പുതു സ്നേഹഗാഥകൾ..!
കാലം കരുതിവെക്കട്ടെ,
പുതുസൗഹൃദസമവാക്യങ്ങളെന്നും
കാതലുറക്കട്ടെ, വടവൃക്ഷമാകട്ടെ
എന്നുമീ നന്മയുടെ സൗഹൃദപ്പൂമരം..!
- ശുഭ കൊടക്കാട് CNNBHS
No comments:
Post a Comment