നേരത്തിനും പറയാനുണ്ട് !
നേരമില്ലൊന്നിനും നേരമില്ലെന്നു നീ
ചൊല്ലുന്നിതെപ്പോഴും വായ്ത്താരിയായ് ...
നേരമെനിക്കും നിനക്കുമൊരു പോലെ
നേരോടെയല്ലയോ തന്ന തീശൻ?
പരനെ ദുഷിച്ചുമൊളിനോട്ടമെയ്തും
വെറുതെ പഴിച്ചു കളഞ്ഞിടാതെ
വേണം നിയതമായ് കർത്തവ്യ ബോധവും
കാണണം അദ്യൈവ ചെയ്തിടേണം!
അന്യോപകാരങ്ങളാചരിച്ചീടു നീ
'ആനക്കാര്യ'മായ് കണ്ടിടാതെ ,
കനമെഴും പാറകളാദ്യം നിറയ്ക്കാം
കനവിൽ തരികളും ചേരുമല്ലോ
ചരടറ്റ പട്ടമായ് ചെളിയിൽ പതിക്കാതെ
അതിരെഴാ വാനിൻ്റെ മേലാപ്പിലായ് -
ചേക്കേറുവാൻ പറക്ക നീ മനമതിൽ
ഊക്കോടെ സിദ്ധിയായ് സാധനയാൽ!
നേരമില്ലെന്നിനി ചൊല്ലുവാനാകില്ല,
നേരോടെയെന്നും വിജയിക്ക നീ ...
- ഇ. സുമതിക്കുട്ടി
No comments:
Post a Comment