മഴ
കവിത
ദീപ്തി ഭരതൻ
മഴനൂലുകൾ ആവേശത്തോടെ മണ്ണിനെ പുണരുമ്പോൾ
മഴയാ സ്വദിക്കാനിഷ്ടമാണ്....
കമ്പിളി പുതപ്പിനുള്ളിലൂടെ ഇഴഞ്ഞെെത്തുന്ന മഴയുടെ സംഗീതം കേട്ടുറങ്ങാൻ അതിലേറെയിഷ്ടം
മഴ തിമിർക്കുമ്പോൾ മധുരസ്വപ്നങ്ങളിലേക്ക് ആഴ്ന്നിറങ്ങണം.
എന്നാൽ ', ....
ഓടിൻ വിടവിലൂടെ നൂണിറങ്ങുന്ന മഴത്തുള്ളികൾ കൊണ്ട്, തറയിലൂടെ
ഒരു പുതിയ പുഴ ഒഴുകുന്നത് കാണുമ്പോൾ നോവുന്ന മനസുണ്ട്
ചൂടുള്ള വിശപ്പു കൊണ്ട്
തണുത്ത വയറിനെ ആശ്വസിപ്പിക്കുമ്പോൾ
നിറയുന്നത് ആരുടെയോ മിഴികളാണ്..
പഴന്തുണികൊണ്ട് പൊതിഞ്ഞ്, മഴച്ചാറലുകളേൽക്കാതെ ,ഇരുട്ടിലേക്ക്
മിഴിച്ചു നോക്കുമ്പോൾ
ഭയപ്പെടുത്തുന്നത് വിടരാൻ ബാക്കി നിൽക്കുന്ന പകലുകളാണ്...
മഴ ചിരിച്ചും, കരഞ്ഞും പെയ്തു തീർക്കുകയാണ്...
ആരോടും പറയാതെ ,ആരെയും ഭയക്കാതെ....
പെയ്തു തിമർക്കുകയാണ്.
No comments:
Post a Comment