ഇനി മരണത്തെക്കുറിച്ചെഴുതില്ല
വന്നാലും കൂടെ പോവില്ല
ജീവിതമെന്നെ വല്ലാതെ കൊതിപ്പിക്കുന്നൂ .....
വാശി പിടിച്ച് ഞാനതിൻ്റെ
അവസാനയറ്റം വരെ പോകും......!
നിനക്ക് സമ്മാനിക്കാൻ
ചില മഴ വൈകുന്നേരങ്ങൾ .....
കടലിൻ്റെ സംഗീതം കേട്ടുറങ്ങാൻ.. .....
മടുപ്പില്ലാതെ നാളെയെ കുറിച്ച് നിറയെ സ്വപ്നം
കാണാൻ........
നാളെയെത്തുന്ന കാറ്റിൻ്റെ
കൈകൾ നിറയെ
സ്നേഹത്തിൻ്റെ സമ്മാന
മൊതുക്കി വച്ചിരിക്കും....
തെറ്റു ചെയ്തവർ ധാരണകളൊക്കെ തിരുത്തി
എന്നിലെ വെളിച്ചത്തെ -
തിരിച്ചറിയും.....
അപ്പോഴേക്കും കാലം വൈകിയിക്കാം
നാം അഗ്നിപരീക്ഷണത്തിൽ
വെന്തുരുക്കാം .....
എങ്കിലും കാലമേ എല്ലാത്തിനും പാകമാകാൻ എന്നെ
കാത്തു വക്കണേ.....!!
- ദീപ്തി റിലേഷ്
No comments:
Post a Comment