ഇന്ന് കേരളപ്പിറവി ദിനം - പക്ഷേ തുഞ്ചന്റെ കിളിമകൾ ഇന്നു പാടുമ്പോൾ തൊണ്ടയിടറുന്നതെന്തേ .....????
ഒരു കവിതയിലൂടെ ഞാൻ ചോദിക്കുകയാണ്..
പൊള്ളും കിളി മനം
മലയാള ഭാഷയ്ക്കു ശ്വാസ കനിവേകി
പുഷ്ടിപ്പെടുത്തിയ കിളിമകളേ.....
തുഞ്ചന്റെ മാനസ തത്തേ... നീയിന്നു -
പാടുമ്പോൾ കണ്ഠമിടറുന്നതെന്തേ..?
മലയാളത്തെ "മലയാല"മാക്കിയതു -
കണ്ടിട്ടോ നിൻ മനമിടറുന്നൂ, അതോ -
മലയാള ഭാഷയോടു ള്ളൊരാ ,പുതു
തലമുറയുടെ മുഖം തിരിക്കൽ കണ്ടിട്ടോ?
മലയാള ഭാഷ തൻ ശോചനീയം, നിൻ
മാനം" കപ്പലു കേറ്റുന്നു "വെന്നോ..?
മലയാളത്തിനിനി മാർക്കറ്റില്ലെന്നു ചൊല്ലി
മലയാള ഭാഷ തൻവേരറുക്കുന്നൂ ചിലർ
ഭാഷ പരന്ത്രീസായാൽ ബഹുകേമമെന്നും
പുത്തനൂറ്റുകാർ ഭോഷത്തം ചൊല്ലുന്നു.!
ഭാഷയിന്മേലുള്ള പുതു നിയമങ്ങൾ
കോലം കെടുത്തുന്നൂ അക്ഷരങ്ങളെ ..
അക്ഷരസ്ഫുടതയെന്തെന്നറിയാത്ത
അക്ഷരവൈരികൾ നയിക്കുന്ന ഭാഷയെ
വികൃതസ്വരങ്ങളാൽ കൊല്ലുന്നതു കണ്ടു
കിളിമകളേ നിൻ മനം പൊള്ളിപ്പോയോ ....?
ഏവർക്കും കേരളപ്പിറവി ദിനാശംസകൾ - കണ്o മിടറിയാണെങ്കിലും ഞാൻ നേരുന്നു.
- സന്ധ്യ - അറയ്ക്കൽ.
No comments:
Post a Comment