എന്റെ ഭാഷ - മലയാളം
മലയാളമാണെന്റെ മാതൃ ഭാഷ
മധുരം തുളുമ്പുന്ന ശ്രേഷ്ഠ ഭാഷ
മലരുകൾ വിരിയുന്ന പുണ്യ ഭാഷ
ഭാവന തളിരിടും നന്മ ഭാഷ
മാധുര്യമേറി മനം കവരും
മലയാളമാണെന്റെ മാനകഭാഷ
ഹൃദയം കൊണ്ടറിയുന്ന ജീവൽ ഭാഷ
സന്തോഷം പങ്കിടും, നന്മ പകർന്നിടും
മലരണിക്കാടുകൾ പൂത്തിടുമ്പോൾ
മലയും പുഴയും നിറയും ഭാഷ...
കാടുകൾ മേടുകൾ കാനനങ്ങൾ
കാട്ടാറിൻ കളനിസ്വനങ്ങൾ
കുഞ്ചനും തുഞ്ചനും പാടിപ്പതിഞ്ഞൊരാ
കാൽചിലമ്പിട്ട് നീ നൃത്തമാടും...
അമ്മിഞ്ഞപ്പാലിന്റെ മാധുര്യമേകി
അമ്മ പകർന്നിട്ടും നല്ല ഭാഷ
തൂമണിമുത്തുകൾ മാണിക്യമായി
മാസ്മരഭംഗി നീ തൂകിടുന്നു...
പുസ്തകത്താളിലൊളിക്കും മയിൽപ്പീലി
കാട്ടിക്കൊതിപ്പിക്കും കാതരഭാഷ...
പരിപാവന കർമ്മങ്ങൾ, കർമ്മകുശലരും
നെഞ്ചോടു ചേർക്കും മനുഷ്യ ഭാഷ ...
പച്ചപ്പു നിറയുന്ന പാടങ്ങളിൽ
വേർപ്പിൻ കതിരുകൾ കമാർന്ന് കുമ്പിട്ട്
നൽതൂമൊഴിമുത്തായി തിളങ്ങിടുമ്പോൾ
കല്പവൃക്ഷങ്ങൾ നിറഞ്ഞ പ്രകൃതിയാൽ
തലയാട്ടി മാടിവിളിക്കുമീ ഭാഷ...
നന്മ നിറഞ്ഞൊരു ചങ്ങാതിയും,
നാടറിയുന്ന സൽഗുരുനാഥനും
പുഞ്ചിരിത്തൂമൊഴിയാലെന്നും
മനം നിറഞ്ഞൊഴുകുന്ന
മലയാളമാണെന്റെ മാതൃഭാഷ...!!
മലയാളമാണെന്റെ ഹൃദയഭാഷ...!!!
- ശുഭ കൊടക്കാട് ( സുഭദ്ര)
CNNBHS, ചേർപ്പ്, തൃശൂർ.
Mob. 9400843971
No comments:
Post a Comment