മാറുവിൻ, നിങ്ങളെൻ പാതയിൽ
നിന്നൊരായിരം കാതമകലെ
മാറിയില്ലെങ്കിൽ ഞാൻ മാറ്റും
എനിക്കതിൽ തെല്ലും ഭയപ്പെടാനില്ല
ഇല്ലെങ്കിലെന്നരയിൽ കാണുമീ കൃപാ-
ണത്തിൻ വായ്ത്തല ഞാൻ ചുരത്തും
രക്തം കുടിച്ചു ഞാൻ ദാഹമടക്കി
ഒരു രക്തരക്ഷസ്സായി മാറും
കൈകളിൽ സ്റ്റൺ ഗൺ ഉയർത്തിപ്പിടി-
ച്ചെന്റെ അമ്മയെ നിർദ്ദയം കൊന്നു
ആ മുലപ്പാലൂട്ടി വളർത്തിയ
മാറിടം തല്ലിത്തകർത്തു
എന്റെ കുതിരക്കുളമ്പടി ഒച്ചയിൽ
ഈ ചക്രവാളം നടുങ്ങും
എന്റെ ചാട്ടവാറിൻ ഗർജ്ജനം കേട്ടീ-
ദ്വിദ് മുഖം സ്തംഭിച്ചു നിൽക്കും
ഈ ലോകമെല്ലാം ഒരു ചുടലക്കള-
മാക്കി ഞാൻ മാറ്റും
ആ ചുടലക്കളത്തിലെ തീഗോളമെല്ലാം
ഞാനമ്മാനമാടിക്കളിക്കും
നെറ്റി ചുളിച്ചൊളികണ്ണിട്ട് നോക്കേണ്ട
ഞാനാണ് ഭാരത പൗരൻ
നൂറ്റാണ്ടിരുപത്തിയൊന്നിലെ
ഭാരതം കാണുന്ന പൗരൻ.
No comments:
Post a Comment