കനവായ് കണ്ടതെല്ലാം
കനലിൽ കരിഞ്ഞല്ലോ,
കരിവണ്ടാം കണ്ണിണകൾ
കണ്ണീരിൽ കുതിർന്നല്ലോ,
കസവിൽ കൊരുത്തതെല്ലാം
കരളിൽ കുരുങ്ങിയല്ലോ,
കനകത്തിൻ കൊലുസിലെല്ലാം
കദനത്തിൻ കറയായല്ലോ,
കനിയായ് കണ്ടതെല്ലാം
കാഴ്ചക്കാർ കവർന്നല്ലോ,
കാറ്റിൻ കാടത്തമെല്ലാം
കാനനം കലക്കിയല്ലോ,
കാതരയായ് കഥിച്ചതെല്ലാം
കാനോലായ് കരുതിയല്ലോ,
കയ്പേറും കാമനയിലെല്ലാം
കർപ്പൂരം കത്തിയല്ലോ,
കാമ്പേറും കാഴ്ചകളെല്ലാം
കണ്ണിലെ കരടായല്ലോ,
കുയിലിൻ കൂജനമെല്ലാം
കാക്കതൻ കനിവാണല്ലോ,
കണ്മണി തൻ കുറുമ്പെല്ലാം
കിളിക്കൊഞ്ചലായല്ലോ,
കാരിരുമ്പിൻ കടുപ്പമെല്ലാം
കാറ്റിലെ കരിയിലയല്ലോ,
കൗമാര കാ ഹ ള മെ'ല്ലാം
കാഞ്ഞിരത്തിൻ കയ്പാണല്ലോ,
കർമ്മത്തിൻ കണക്കെല്ലാം
കരിങ്കല്ലിൽ കൊത്തിയല്ലോ,
കടപ്പാടിൻ കഥയെല്ലാം
കാണാക്കിനാവായല്ലോ,
കാലത്തിൻ കയ്യൊപ്പെല്ലാം
കൈരേഖ കനപ്പിച്ചല്ലോ,
കളിയല്ലാ കല്യാണമെല്ലാം -
കാരണവർ കലമ്പിച്ചല്ലോ,
കതിരോന്റെ കനിവെല്ലാം
കടലിൽ കലങ്ങിയല്ലോ,
കഥയില്ലാ കാര്യമെല്ലാം
കണക്കിലും കവിഞ്ഞല്ലോ!!!
No comments:
Post a Comment