സന്ധ്യ അറയ്ക്കൽ

 

അമ്മ

അമ്മയെന്നത് കേവലം

അക്ഷരം രണ്ടാണെങ്കിലും ...

ആ രണ്ടക്ഷരത്തെ-

വാക്കുകളിലും

വരകളിലും -

വർണ്ണങ്ങളിലും

ഒതുക്കാനാകാതെ ഞാൻ....!

എത്ര പറഞ്ഞാലും കഴിയാത്ത

കാര്യമാണെന്നമ്മ ..!

എത്ര കരഞ്ഞാലും തീരാത്ത

നോവാണെന്നമ്മ .....!

എത്രകേട്ടാലും മതിവരാത്ത

കഥയാണെന്നമ്മ ...!

എത്ര പാടിയാലും തീരാത്ത

പാട്ടാണെന്നമ്മ ...!

എത്ര മൂളിയാലും ശ്രുതി തെറ്റാത്ത

ഈണമാണെന്നമ്മ ....!

എന്റെ ശോകാർദ്രതകളിലും

സന്തോഷാതിരേകങ്ങളിലും

ചേർത്തെന്നെ പുണർന്നവളെന്നമ്മ ..!

നമ്രശിരസ്ക്കയായ് നില്പൂ ,ഞാൻ

ഇന്നെന്നമ്മ തൻ കുഴിമാടത്തിന്നരികിൽ!!!!

                                 - സന്ധ്യ അറയ്ക്കൽ