സങ്കടപ്പെരുക്കം
ഡിസംബറിൽ വിടർന്നു കൊഴിയുന്ന അഴലിൻ പീതപുഷ്പമാണു ഞാൻ, കനലിൽ ചവിട്ടി, കടലാഴങ്ങളിലേക്ക് കണ്ണിമ പായിക്കുമ്പോൾ, പടിഞ്ഞാറൻകാറ്റ് പതിയെ മന്ത്രിക്കുന്നത് എന്താണ്...? കരളുരുകുന്ന കനിവിന്റെ തേൻതുള്ളി നുകരുവാൻ വണ്ടുകൾ മൂളിക്കുതിക്കുമ്പോൾ, ഇല്ല, പൂവിനില്ല സങ്കടം...! ഓർമ്മകളുടെ നടുമുറ്റങ്ങളിൽ, മുല്ലയും തുളസിയും ചെത്തിയും മന്ദാരവും പൂവിടുന്നു .... സങ്കടക്കുടമാറ്റങ്ങളുടെ പൂരം തകൃതിയാകുമ്പോൾ, തെയ്യങ്ങൾ ഉറഞ്ഞാടി കുരുതികൾ തീർക്കുമ്പോൾ, നാഗക്കളങ്ങളിൽ മുടിയഴിച്ചാട്ടം തുടരുന്നു...! ഇവിടെ, ഇന്ന്, ഓർമ്മകളുടെ തിരകൾ സങ്കടപ്പെരുക്കങ്ങളിലൂടെ യാത്ര തുടരുന്നു....!!
- സുഭദ്ര ചേർപ്പ് (ശുഭ കൊടക്കാട്)
CNNBHS ചേർപ്പ്
No comments:
Post a Comment