ഹരിദാസ് കൊടകര

 

പ്രകാശം

കൺനിറയെ പ്രകാശം മനുഷ്യന്

ദൃഷ്ടം സാലോക്യാനുഭൂതികൾ 

കറതീരുമന്ധകാരചെപ്പുകൾ 

ശിരോപാദം യജ്ഞസപര്യയം

രാശികൾ നാഡികൾ

ഭൂമിമാർഗ്ഗം നേർവഴികൾ

പ്രകാശമനസ്സ് മനോഗതം

സാമാന്യത്തിന് പകൽവെട്ടം

മനോനിലക്ക് ഭാവഭിന്നത

വിഷാണുക്കളിൽ കറുപ്പ്

പ്രണയത്തിൽ നിലാവ്

മൗനത്തിൽ നെയ്നാളം

സൂര്യശോഭയിലഗ്നി

കീടകോടിലക്ഷം വെളിച്ചം

പ്രകാശം വിദ്യുത്കാന്തികം

കണികയും തരംഗവും ചേർന്നത്

ദൃശ്യമൗലികം ഫോട്ടോണുകൾ

ഉദ്ദേശശുദ്ധം മേടാദിമാസവർണ്ണം

പ്രകാശം ഏറെയും ദൃശ്യമല്ല

കണ്ണിൽ കൊള്ളാവുന്ന ദൃശ്യം

ദൃശ്യവും രാസജൈവം വിഭാജിതം

പ്രകാശം ദിശാസൂചികൾ ദൃശിദിക്കുകൾ 

അദൃശ്യഭൂതികൾ

കണ്ണിലെത്താത്തത്

പൂമണം പോലെ

നിലാലാളനം പോലെ

മറയാത്തത് മങ്ങാത്തത്

ഇന്ദ്രിയമപ്പുറം അതീന്ദ്രിയനൃത്തം

ഉണ്ണാതുറങ്ങാതെ കടത്തിണ്ണയിൽ

തെരുവോരമാന്ദ്യരോഷമായ്

ഗർഭസ്ഥശിശുകിടക്കുന്ന

പിണ്ഡാവസ്ഥകൾ അവധൂതികൾ

അതീന്ദ്രിയർ അദൃശ്യഭൂതികൾ

കണികയും തരംഗവും സിദ്ധാന്തങ്ങൾ

മണ്ണ് തിന്നോയെന്നുണ്ണി പറഞ്ഞ്

വായ് തുറപ്പിച്ചപ്പോൾ കണ്ടൂ പ്രകാശം

ദൃഷ്ടിദൃശിമലരുകൾ പൂങ്കാവുകൾ

തിളച്ച ലോഹദ്രവംപോലെ നിർമ്മമം

വനജലഹരിതേച്ഛയിൽ ഇറ്റു വീഴുന്നിതെന്നും

സമഷ്ടിക്ക് ദണ്ഡപ്രകാശം

ഉരല്പുരയിൽ ധാന്യകീർത്തി

ചരിത്രത്തിന് നിദ്രാശ്രേണി

വർത്തമാനത്തിന് പകലൊളി

ഭാവിക്ക് ഭൂതാവേശം നിഴലുകൾ

പുരോ ഹിതത്തിനായഗ്നിമീളം

പ്രകാശം

സമകാലവിചാരങ്ങൾ

ഭരണഘടന അനുച്ഛേദം

ഇരുനൂറ്റി അറുപത്തിരണ്ട്

സംസ്ഥാനാന്തര നദീപ്രകാശം

അളവിൽ കുറയാത്ത അന്നം

                           - ഹരിദാസ് കൊടകര