ഞാനും എന്റെയും
ഒരു ബുദ്ധികാലവും
കുടുംബം വ്യക്തിവാസ്തുലീനം ഗ്രന്ഥവരി
ജീവൻമായാ വിക്ഷേപത്തറ വിഷയസ്ഥലി
നിയതി സാമാന്യം ഊണുറക്കം ഇണപ്രാസം
സാമന്തം കോയ്മ കൂടകം സ്വച്ഛവ്യാപാരങ്ങൾ
അഹമരുളാൻ ബോധംതലക്കുറി ഭൂവസനം
സുഹൃദ് ശത്രുപാലനം മോഹം ക്രോധവീർപ്പ്
മച്ചകഗന്ധം ഓവുകൾ ഉള്ളഴലുകൾ ചിത്രണം
ചാണകമുറ്റം അടിമലർ തൊഴുത്തിൻ മുറവിളി
ഉടലിനുടയനാം വായുവന്നം മൺവിണ്ണാസ്തി
പൈശാചം പ്രാണഭീതി കാലനിസ്വനം ശ്വാസം
കണ്ണിനു കാഴ്ച കാതിനു കേൾവി തൊലിപ്പുറം
പാമ്പിഴച്ചലിൽ പാതിവെന്തും പൊരിനാളുകൾ
ഇരുളുംവാനിനപ്പുറം ഗ്രഹപാഠവൃത്തികൾ
ഭാവികല്പം ശ്രീ വനാസ്തികൾ വന്യമേടുകൾ
വനദം മേഘദാനം അദൃശ്യപ്രകാശ വർത്തനം
പ്രകാശിക്കാൻ പൊലിമ ഹരിതഭണ്ഡാരങ്ങൾ
ആണ്ടുനേർച്ചകാഹളം പ്പീലിക്കാവടി മനപ്പറ്റ്
ആടാടുപാമ്പുവ്യംഗ്യം ശീലുകൾ ദിനസരി
ഊഷ്മം ഊഞ്ഞാൽ വെയിൽ മോഹങ്ങൾ
തളരും നാട്ടകം നീർപ്പച്ച ഹരിതപാതകൾ
മർത്ത്യനേത്രം സമം ഫിലിംപെട്ടി കളിക്കോപ്പ്
ഒരു കൺനിറവെട്ടം അഭ്രചിത്രത്താളുകൾ
മിന്നിമങ്ങിയും മാഞ്ഞുമറഞ്ഞും സ്വനഭേരികൾ
മനുഷ്യന് ഒരു ബുദ്ധികാലം സ്വസ്തിയൂഴം
ഒഴുക്കിനെതിരെ ത്രാണം പ്രണയമീനുകൾ
ചരിത്രം നിദ്രയിൽ ഉണരൽ വെളിക്കിനാവ്
നിത്യാനിത്യ വർത്തുളംചുറ്റൽ പിൻചുവടു്
നീർത്തടശാന്തിയിൽ ജലസൗമ്യശംഖം
തുളസിസ്വപ്നങ്ങളിൽ കർമ്മോക്തികാലം
ദർശനാഗ്രം ഭൂതദയ വാല്മീകം മയിൽപ്പീലി
കാമക്രോദവിരൂപിണം സത്വമുൽക്കടമീശം
ദാർശിനം സൂര്യസാമന്തം പ്രകാശചിന്തകൾ
‘ഞാൻ’ സംബന്ധികം ‘എന്റെ’ എന്റേതുകൾ
കൂട് കുടുംബം കൈകാൽ ദേഹമെന്റേതുകൾ
ഇടയിലൊരാകാശമോ ഉടമസ്ഥാനിയോ ഞാൻ
ഞാനൊരില്ലായ്മയോ ഉൾചേരലോ അഗ്രിമം
- ഹരിദാസ് കൊടകര
No comments:
Post a Comment