കടലാഴം
പ്രണയം കടലാണ്,
തിര അടിച്ചു കൊണ്ടേയിരിക്കും!
അത് കടലാഴം അളക്കാൻ ശ്രമിക്കും..!
അടിത്തട്ടിലെത്താൻ പാടുപെടും..!
എത്തിയാലോ..
പ്രക്ഷുബ്ദമാവാൻ മനസ്സ് വെമ്പും..!
ചിലപ്പോൾ സുനാമിയായെന്നും വരും..!
അപ്പോഴും പിടി വിടരുത്,
വ്യാകുലതകൾ ആരും
കാണരുത്; അറിയരുത്..!
ഉള്ളിൽ താഴിട്ട് പൂട്ടിവെക്കണം..!
ആകാശം ഭൂമിയെ തൊടുന്ന
മഴനൂലായ് ഇണപിരിയാതെ കടലിൽ പതിക്കണം; കടലാഴങ്ങളിലേക്ക് ഊളിയിട്ട് പവിഴപ്പുറ്റുകൾ തിരയണം..!
പെട്ടെന്ന് കണ്ടെത്താനാവില്ല
ശ്രമം തുടരുമ്പോഴും പിടി വിടരുത്
തിമിംഗലങ്ങൾ, മറ്റു ജലജീവികൾ
തിന്നാനടുത്തേക്കാം..
പിടികൊടുക്കരുത്..!
പ്രണയക്കടലാഴത്തിൽ നിങ്ങളെക്കാത്ത് നിധികുംഭങ്ങളുണ്ടാകും ..!
നിധി കാക്കാൻ നാഗത്താന്മാരുണ്ട്..!
നിധിയെടുത്ത് പൊങ്ങിവരാൻ കഴിഞ്ഞാൽ നിങ്ങൾ
പുതുവഴി വെട്ടുന്നവരായി
ചരിത്രം മാറ്റിയെഴുതും..!!
- ശുഭ കൊടക്കാട് (സുഭദ്ര)
CNNBHS, ചേർപ്പ്, തൃശൂർ
No comments:
Post a Comment