പലായനം
ചിലരിങ്ങനെയാണ് ...
പറയാതെ പോകുന്നവർ
പറയാനാകില്ലെന്നോർത്തിട്ടോ..
പറഞ്ഞിട്ടു കാര്യമില്ലെന്നോർത്തിട്ടോ
പലായനം ചെയ്യുന്നു ചിലർ.
പാരതന്ത്ര്യ മിഷ്ടമില്ലാഞ്ഞിട്ടോ ....
പാദസേവ ചെയ്യാനറിയാഞ്ഞിട്ടോ ....
പാത്രീഭവിക്കാനിഷ്ടമില്ലാഞ്ഞിട്ടോ ....
പറയാതെ പോകുന്നൂ ചിലർ...
ഇനി മറ്റൊരു കൂട്ടരിങ്ങനെയാണ് ..
പറച്ചിലുകൾ അടിച്ചേൽപ്പിക്കുന്നവർ
പാരിടം തന്റേതു മാത്രമെന്നു നിനച്ചവർ
പാലിക്കാൻ നിർബന്ധിക്കപ്പെടുത്തുന്നു ആജ്ഞകളവർ
പാരാതെ മടക്കി വിളിക്കുമെന്നോർത്തവർ
പലായനം ചെയ്യുന്നൂ... പറയാതെ....!!!
പക്ഷേ... വേറൊരു കൂട്ടരിങ്ങനെ....
പാവനമാം ഹൃത്തിന്നുടമകളാമവർ
പാരിച്ച ദു:ഖത്തോടകലുമ്പോൾ
പാഴ് വേലയായല്ലോ ചെയ്തികളെന്ന്
പാച്ചിലുകൾ നിർത്തി ഓർക്കുന്നു -
പറയാൻ കഴിയാതെ പോകുന്നൂ - അവരും!!!!
- സന്ധ്യ - അറയ്ക്കൽ
No comments:
Post a Comment