കരുണ
മഴ ശക്തമാകുന്ന പ്രഭാതങ്ങളിൽ
നമ്മൾ തൂവൽ മിനുക്കി,
കൊക്കുരുമ്മിയിരുന്നിരുന്നു..
ഇന്നിപ്പോൾ,
മഹാമാരിയുടെ നിറവിൽ
തെയ്യങ്ങൾ ഉറഞ്ഞാടുമ്പോൾ,
എന്നിലെ നിന്റെ ഓർമ്മകളും
തിളച്ചു തൂവുകയാണ് ..!
നമ്മളെപ്പോഴാണ് അന്യോന്യം
കൊത്തിപ്പറിക്കാൻ തുടങ്ങിയത്..?
ഉഷ്ണദൈർഘ്യങ്ങളിൽ ഞാൻ
നീറിപ്പിടയവേ..,
മഹാമാരിയുടെ പനിക്കിടക്കയിൽ
നീയും പുതുമഴയ്ക്കായ് കാതോർക്കുകയല്ലേ..!
അപ്പോൾ .., അകലെ
സൂര്യകാന്തിപ്പാടങ്ങളിൽ
വേനൽമഴ പൊഴിയുകയാണ് ..!!
- ശുഭ കൊടക്കാട് (സുഭദ്ര ടീച്ചർ)
CNNBHS, ചേർപ്പ്, തൃശൂർ
9400843971
No comments:
Post a Comment